عارفة عبد الرسول تتصدر “التريند” بسبب “المايوه” !

عارفة عبد الرسول تتصدر “التريند” بسبب “المايوه” !
شارك المحتوى

تصدرت الفنانة عارفة عبد الرسول؛ تريند مؤشرات البحث على جوجل، بعد تصريحاتها الأخيرة عن المايوه، وحالة الهجوم التي تعرضت لها، بعد نشرها صورة بـ المايوه، إذ كشفت أنها تلقت العديد من التعليقات السلبية والساخرة من إطلالتها بـ المايوة، لكنها لم تلتفت لهذا الأمر.

وتحدثت الفنانة عارفة عبد الرسول عن العديد من أسرار حياتها، خلال لقائها مع ياسمين عز، في برنامج كلام الناس، المُذاع عبر شاشة إم بي سي مصر، ونستعرض لكم أبرز تصريحات الفنان خلال هذا اللقاء:

ـ أنا بسيطة وبطبيعتي ومن إسكندرية واتعودت أنزل البحر وإلا هيجي لي اكتئاب.

ـ نزلت صورتي بالمايوه وكنت في منتهى السعادة واللي باين كتف بس.

ـ بيقولوا لي يا ولية يا عجوزة اتلمي إزاي تلبسي بكيني، هو فين البكيني ده؟.

ـ أنا من جيل المايوهات، زمان لما كانت بتصغر علينا أبويا كان بيجبلنا مايوهات أكبر، وبنضحك على أي حد نازل البحر بـ جلابية وبنطلون.

ـ كنت بلبس بكيني وأنا صغيرة ولما كبرت بقيت ألبس قطعة واحدة، وحاليًا بلبس شورت بيبي دول.. شايفة بحر يعني مايوه.

ـ ممكن ألبس بوركيني بدون حجاب.

% عارفة عبد الرسول تتصدر "التريند" بسبب "المايوه" !
عارفة عبد الرسول – التريند اليوم

عارفة عبد الرسول والمايوه

ـ اشتغلت مع والدي في محل بقالة في إسكندرية قبل دخولي الوسط الفني.

ـ والدي فتح محل كوافير واشتغلت كوافيرة، ولكني فشلت لأننا في وسط سوق شعبي.

ـ أنا متزوجة بقالي 44 سنة، والفترة دي مكانتش سهلة، وكان عندنا مشاكل وصعوبات وكفاح، ولكننا كنا صحاب قبل ما نبقى زوجين، وأكيد فيه خناقات بيننا ولكن بنتصالح بـ فنجان قهوة.

ـ لو جوزي شاف وحدة جميلة وقالي بقوله.. فعلًا دي جميلة.. مفيش بينا غيرة.

ـ إحنا في مجال عادي نسلم ونبوس بعض ولكن مينفعش نطول في النظرة ولا السلام لأني بحس ساعتها إن فيه حاجة غلط.

ـ بربي ولادي على التعاون والحب، وعمري ما فرقت بينهم، ولما عرفت إن فيه حاجة اسمها هبة؛ وهبت الميراث ليهم وأنا عايشة، ومش قصدي أخالف الشرع لكن عايزة أساوي بينهم النص بالنص.